УФЦ легендата Џон Џонс ги отфрли тврдењата дека Хабиб Нурмагомедов ќе се пензионира како најдобриот на сите времиња, бидејќи 15-кратниот шампион посочува на бројките „кои не лажат“.
Русинот се пензионираше со 29-0 скор откако го издоминира Џастин Гетџи во Абу Даби во саботата, по што претседателот на УФЦ, Дејна Вајт изјави дека тој го заслужува статусот на ГОАТ (Greatest of All Time). И Хабиб се согласи дека е најдобрите.
„Има само една работа која сакам од УФЦ, тоа е да сум број 1 без разлика на категоријата бидејќи го заслужувам тоа“, изјави Хабиб.
„Боунс“ Џонс на Твитер јасно кажа дека ова не е точно.
„15 светски титули, бројките не лажат. Сакам да му честитам на Хабиб на одличната кариера, знам дека го направи својот татко и милионите фанови горди, и Бог нека го благослови на неговиот пат. Но, ако веќе бараме работи, можеби јас ќе го побарам појасот во тешка категорија“, вели 33-годишниот Џонс.
Џонс го има рекордот за најмногу одбрани на титулата, најмногу победи, најдолга победничка серија и најмногу победи со предавање. Тој има само еден пораз во кариерата, и тоа со дисквалификација против Мет Хамил.
„Најтажното е што УФЦ ќе го испочитува неговото барање и ќе ми ја земе титулата ГОАТ. Ќе биде навредувачки, но нема да сум изненаден, туку само мотивиран. Да си најдобар треба да го заработиш тоа, не да ти го дадат“, објаснува Џонс.