Славната тенисерка Јелена Докиќ преку објавувањето на својата биографија предизвика бура на реакции, посебно околу тортурата која ја доживувала од нејзиниот татко Дамир Докиќ.
Сега во интервју за „Би-би-си“, таа открива дека не сакала никогаш да настапува за Србија, и дека сакала да го носи австралискиот дрес, но дека татко ѝ ја натерал на таква одлука.
„Таа одлука не ја донесов јас. Ја сакам Австралија и благодарна сум на земјата која ми даде сè што ми беше потребно кога имав 11 години и дојдов како бегалка. Имав само 17 години и татко ми ме примора да играм за Србија“, вели Докиќ.
Девојката која е родена во Осиек, Хрватска, открива дека во 2008 година откако целата заработувачка му ја препишала на својот татко, си заминала од дома само со еден куфер и со своите рекети.
Однесувањето на Дамир Докиќ беше познато. На САД опен тој за малку ќе предизвикаше тепачка незадоволен од порцијата лосос која ја доби, а во 2009 година помина 15 месеци во затвор поради закана со бомба на австралискиот амбасадор во Србија.
„Луѓето го видоа каков човек е тој. Ќе помислите дека некој ќе дојде до вас и ќе ве праша како сте. Но, тоа не го направи никој. Ги сфаќам медиумите, бидејќи ним им беше смешно и интересно. Тој беше наслов. Не беше забавно тоа што јас бев 15-годишно девојче кое одеше дома со тоа“, додав Докиќ.