Роџер Федерер избори пласман во четврт-финалето на мастерсот во Шангај. Федерер вложи многу труд за да го победи Роберти Баутиста-Агут 6:3, 2:6, 6:4. Претходно, пласман меѓу најдобрите осум избори и Новак Ѓоковиќ кој славеше над Марко Чекинато 6:4, 6:0.
Федерер се мачеше против Агут, а мечот беше решен во деветтиот гем од третиот сет кога Швајцарецот успеа да направи брејк.
2017 Champion @rogerfederer hangs tough to fight off Roberto Bautista Agut 6-3 2-6 6-4.
Will play Nishikori in the quarter-finals. #RolexSHMasters pic.twitter.com/CbD6BAvGTl
— Tennis TV (@TennisTV) October 11, 2018
Швајцарскиот тенисер ја забележа осмата победа во дуелите со Агут, за кого утешно може да биде што прв пат освои сет против Федерер.
Федерер во четврт-финалето ќе игра против Кеи Нишикори. Јапонецот во осмина-финалето го победи Сем Квери 7:6, 6:4.
Ѓоковиќ против Чекинато одигра нервозен прв сет, кој го реши со 6:4, за потоа да го декласира противникот во вториот сет, во кој Италијанецот не успеа да освои ниту еден гем. Србинот му се реваншира на Чекинато за поразот во четврт-финалето на Ролан Гарос.
Ѓоковиќ за пласман во полу-финалето ќе игра против Кевин Андерсон. Тенисерот од Јужна Африка го победи талентираниот Стефанос Циципас со 7:6, 6:4.