Рихард Фрајтаг стигна до својата втора победа во последните три индивидуални натпреварувања во Светскиот куп во ски скокови, откако со скокот од 145 метри ја потврди домашната победа во Титизе-Нојштад.
26-годишниот Фрајтаг во скратената сесија доминираше пред својот сонародник Андреас Велингер, додека трет беше Норвежанецот Даниел-Андре Танде. Ова е седма победа за Германецот во СК, а минатиот викенд во рускиот Нижниј Тагил исто така остварија 1-2 победа со Велингер, со што се промовираа во први фаворити за новогодишната турнеја „4 скокалници“.
Во генерален пласман, Фрајтаг има 370 поени, пред Велингер со 319 и Танде со 280 поени, додека четврт е актуелниот шампион од Светскиот куп, Австриецот Штефан Крафт со 212 поени.
“Vola Richard, un salto pazzescooo!”⛷?
Richard Freitag salta 1⃣4⃣5⃣ metri e vince a Titisee-Neustadt#EurosportSCI | https://t.co/yeuDfSfQxW pic.twitter.com/79m0Qs9DFs— Eurosport IT (@Eurosport_IT) December 10, 2017
