Франција е на чекор до 10. титулата од Дејвис купот, откако Ришар Гаске и Пјер-Иг Ербер со 6:1/3:6/7:6(2)/6:4 ги совладаа Рубен Бемелманс и Јорис де Лоре во Лил за да поведат со 2:1 против соседите Белгија.
Француската двојка, за која ова беше прв меч заедно, губеа со брејк негатива во третиот сет, кога Бемелманс доживеа „колапс“ на својата игра пред гласната публика и дозволи Французите да се вратат.
Во петокот Давид Гофан го победи Лукас Пуј, пред Жо-Вилфрид Цонга да израмни со победа над Стив Дарси. Утре на програмата се „обратните“ сингл натпревари – Гофан игра со Цонга, а Дарси со Пуј.
?? @NoahYannick celebrates today’s victory with the @WeAreTennis Fan Academy pic.twitter.com/U3rol4PdrZ
— Davis Cup (@DavisCup) November 25, 2017