Крис Фрум се наоѓа пред можеби најголемиот, а сигурно најнеочекуваниот триумф во кариерата, по крајот на претпоследната 20. етапа на Џиро Д’Италија.
Британскиот четирикратен шампион од Тур де Франс и актуелен шампион од Вуелта Еспања, го дели една етапа од историски подвиг – во исто време да ги има големите три титули, откако имаше интересна пресметка со холандскиот ривал Том Думулин на последното искачување на 20-тата етапа до Червинија, која му припадна на Шпанецот Микел Ниеве, и тоа на неговиот роденден.
Фрум и актуелниот шампион Думулин се тркаа на последното искачување од 214 километри долгата етапа на Алпите, но велосипедистот на Тим Скај одговори на сите предизвици и заврши на седмото место, а Думулин (Санвеб) заврши шест секунди зад него.
Со ова 32-годишниот Фрум во недела во Рим ќе влезе со предност од 46 секунди пред Думулин и е на чекор да стане првиот британски велосипедист со победа на италијанската класика. Тој го одбележа својот кам-бек со фантастични победи на Монте Цонколан и во Бардонекија во петокот и би станал само третиот велосипедист кој во исто време е актуелен шампион на сите три трки по Еди Меркс (1973) и Бернар Ино (1982).
Ниеве стигна до победа на својот 34. роденен за петта етапна победа на неговиот тим Мичелтон-Скот и мала утеха откако Сајмон Јејтс, кој долго ја носеше розевата маичка, капитулираше во петокот. Ова е трета етапна победа на Ниеве.
?️.@chrisfroome :“Just and incredible feelings, quite emotional. It has been such a brutal race but I have to say: it has been brutal but it has been a beautiful, beautiful event” #Giro101 #Giro pic.twitter.com/1KJ2sgV3Vd
— Giro d’Italia (@giroditalia) May 26, 2018