Четирикратниот шампион од Тур де Франс, Крис Фрум заврши во главната група на првата етапа на Рута дел Сол во Шпанија, во неговиот прв настап по позитивниот тест на салбутамол за време на минатогодишната Вуелта Еспања.
Фрум не беше суспендиран за „ненормалниот“ тест на салбутамол за време на Вуелта, каде што триумфираше, но иако претседателот на Интернационалната велосипедска унија (УЦИ), Давид Лапартиен побара неговиот тим Скај да го суспендира до крајот на истрагата, Фрум реши да се врати на натпреварувањето.
Фрум заврши во главната група на етапата од Михас до Гранада, во која победи Французинот Томас Буда (Директ Енерги) во спринтерски финиш.
„Беше добро да се вратам на тркање. Беше навистина импресивно што велосипедистите од другите тимови дојдоа да ми понудат поддршка. Знам дека не направив ништо погрешно и има процес кој трае и кој треба да го ‘исчисти’ моето име. Немаше да биде подобро да седев дома“, вели Фрум.
Chris Froome tells @BBCSport man @jwskelton why he’s racing in Spain despite the adverse drugs test that’s left him fighting to clear his name & how he’s prepared to compete in the Giro & Tour de France with it hanging over him pic.twitter.com/WOv07hWUR2
— Dan Roan (@danroan) February 14, 2018