Златан Ибрахимовиќ, легендата на Милан и консултант на раководството на клубот и врската на играчот со челниците на гигантите од Сан Сиро, гостуваше кај ѕвездата на YouTube IshowSpeed. По средбата, на која пристигна во потпишаниот дрес на Ибрахимовиќ со број 11, јутјуберот направи пренос во живо со легендата на европскиот фудбал.
Меѓу прашањата што му ги постави беше: „Роналдо или Меси?“. Ибрахимовиќ со својот одговор требаше да биде уште еден од оние кои за многумина требгаше да го разреши сомнежот за најдобрите фудбалери на сите времиња, но тој одговори во свој стил. Ибрахимовиќ е познат по својот хумор, но и по самодовербата, па во јавните настапи често се истакнуваше како најдобар играч на светот.
И овој пат одговорот беше ист. На прашањето „Роналдо или Меси? тој одговори: „Златан“. Јутјуберот потоа со израз на лицето го принуди Ибрахимовиќ да даде нов одговор. „Сакаш да бидам сериозен? Златан“, му одговори уште еднаш Ибрахимовиќ.