Хабиб Нурмагомедов уште ужива во статусот на најнова УФЦ мега-ѕвезда по безмилосната победа над Конор Мекгрегор и хаосот кој се случи по општата тепачка во Лас Вегас, и додека тој ужива во средбите со важните лица (како со турскиот претседател Реџеп Таип Ердоган), неговиот агент најавува „големи вести“.
Али Абделазиз на Твитер најави дека ќе ни ги „разбие мозоците“ со следната објава, но не даде на знаење дали се работи за договорен меч со некој УФЦ фајтер или со непоразениот боксерски шампион Флојд Мејведер Јуниор. Времето, секако, работи за Дагестанецот, за кого одеднаш чу цела планета, но железото се „кове“ додека е жешко и тој сигурно може да организира меч со кој би заработил огромна сума на пари.
We will blow your mind big news coming @TeamKhabib ?????
— Ali Abdelaziz (@AliAbdelaziz00) October 28, 2018
Руската ѕвезда по средбите со претседалот на својата земја, Владимир Путин и гостувањето кај чеченскиот лидер (каде што доби Мерцедес на подарок), се сретна со турскиот претсседател Реџеп Таип Ердоган. Таткото и тренерот на Хабиб, Абдулманап е на гости во Турција заедно со неговиот друг УФЦ фајтер, Зубаира Тухугов.
„Многу ми беше мило што се сретнавме“, напиша Хабиб на Инстаграм.