Дуелот на сестрите Вилијамс привлече најмногу внимание на мастерсот во Индијан Велс. Третото коло го мина постарата сестра Венус која ја победи Серена 6:3, 6:4 по 87 минути игра.
Венус одигра солидно во првиот сет, максимално го користеше лошото движење на Серена. Единствениот брејк во првиот сет Венус го направи во шестиот гем.
Вториот сет започна со подобра игра на Венус, која со два брејка стигна до водство 3:0, потоа Серена се доближи на 3:2. Следуваше периодт во кој двете освојуваа по два гема, при резултат 5:4 Венус сервираше за победа, успеа да спаси една брејк топка и потоа го заврши мечот.
The sisters were scintillating in this 20-shot rally, but has Serena turned the tides? From 0-3 down she’s back within a break, Venus serving 3-2 #BNPPO18
? @WTA pic.twitter.com/KWH1l1WAlB
— BNP Paribas Open (@BNPPARIBASOPEN) March 13, 2018
Дуелот на сестрите во Калифорнија беше прв по финалето на Австралија опен во 2017 година кога победи Серена. Вкупно сестрите досега имаат 29 меча, а води Серена 17:12.
Венус Вилијамс во четвртото коло ќе игра против Летонката Анастасија Севастова која со 6:3, 6:3 ја елиминита Германката Јулија Гергес.
Покрај мечот Венус Вилијамс-Севастова во четвртата рунда уште ќе се играат мечевите: Халеп-Ванг, Осака-Сакари, Анисимова-Плишкова.