Марк Вилијамс стигна до својата прва титула по шест години, откако во фантстично финале на Северна Ирска опен се врати за 9:8 победа над новата кинеска снукер сензација, 17-годишниот Јан Бингтао.
42-годишниот Велшанец, кој е двократен светски шампион воопшто не знаеше дали ќе игра во финалето, откако неговата сопруга „заглави“ во болница во Кардиф со менингитис. На крајот, Вилијамс реши да игра, и ја имаше можеби најдобрата вечер во кариерата за да го освои првиот трофеј од Германскиот Мастерс во 2011 година и да заработи 70.000 фунти.
Вилијамс губеше цел ден во „Белфаст Ватерфронт“, губејќи со 6:3 на стартот на вечерната сесија, но успеа да остане смирен и да освои шест од последните осум фрејма за исклучителна победа.
Разликата во годините и во искуството на крајот беше клучно – Јан имал само три месеци кога Вилијамс ја освои првата титула во 2000 година. Ова е 19. ранкинг-титула во кариерата на Велшанецот, и прва во Велика Британија од ЛГ купот во Престон во 2003 година. Вилијамс е светски шампион од 2000 и 2003 година.
Congratulations to Mark Williams: the Northern Ireland Open champion! ??? pic.twitter.com/MghHHr6ap3
— Eurosport UK (@Eurosport_UK) November 26, 2017