Поранешниот светски шампион во бокс, во пет различни категории, Флојд Мејведер, изјавил дека со задоволство би се борел против Конор Мекгрегор и Хабиб Нурмагомедов. Мејвејдер имал можност да се бори против Мекгрегор, во 2017 година Американецот забележа лесна победа, од друга страна Нурмагомедов порачал дека е подготвен за таква борба, но под услов од 12 рунди една да биде по правилата кои важат во ММА.
„ За мене во ред е борба против Мекгрегор или против момчето кое нема искуство. Тие борби би ми донеле по 300 милиони долари. Моето време помина, сега е времето на младите борци. Меѓутоа би прифатил такви борби, зошто да не би заработил 600 милиони долари“, рекол Мејвејдер.
Исто така Мејвејдер не заборавил да го „пецне“ Мекгрегор и да го потсети на нивната борба од пред три години.
„Конор не може да удри добро. Ми беше забавно, си мислев дека тој удира многу слабо“, завршил Американецот.