Конор Мекгрегор од болничката постела му се заканува на Дастин Поарије. Ирецот, во неделата, беше поразен од Поарије со технички нокаут. Мекгрегор, во финишот на првата рунда се здоби со фрактура на ногата.
Борецот во лесна категорија, веднаш беше префрлен во болницата во Лас Вегас, каде беше успешно опериран.
„Опарацијата помина добро. Излегов од салата, се чувствувам добро. Треба шест недели да мирувам, а потоа ќе започнам со тренинзите“, рекол Мекгрегор во видео-пораката, а потоа му се обратил на Поарије.
„Првата рунда беше одлична, жал ми е што ја скршив ногата и што не можев да продолжам. Дастин сега можеш да славиш, но твојата победа не е легитимна. Ништо не направи во октагонот. Ќе се сретнеме ние повторно, тогаш ќе видиме што ќе се случи“, рекол Ирецот.
Onwards and upwards we go ☘️ pic.twitter.com/qKgochlT3t
— Conor McGregor (@TheNotoriousMMA) July 12, 2021