Микаела Шифрин последните неколку сезони доминира во слаломските трки, меѓутоа во саботата успеа да направи можеби најголем подвиг во кариерата – да триумфира на спустот во Лејк Луис и да ја преземе улогата на најдобар американски спусташ од Линдзи Вон.
22-годишната Шифрин, која во петокот со третото место зад Корнелија Хитер и Тина Вајратер, изненади со првиот подиум во спуст, во саботата беше уште поимпресивна, поминувајќи ја патеката со време од 1:27.55, за да ја совлада Германката Викторија Ребензбург за 0.13 секунди, додека подиумот го комплетираше Швајцарката Мишел Гисин со 1:27.72, само две стотинки пред победничката од петокот, Хитер.
Ова е 33. побед во кариерата за младата Американка, која оваа година брани два кристални глобуси – во слаломот, но и во генерален пласман.
Вон, која во петокот имаше страшен пад на патеката на која имаше 18 победи во кариерата, беше резервирана и на крајот заврши на 11. место. Повратничката на Светскиот куп, ексшампионката во генерален пласман, Ана Фајт беше на делба на 14. место со уште една поранешна шампионка, Швајцарката Лара Гут.
