Бразилецот Фабрисио Вердум го совлада Полјакот Марсин Тибура во главното шоу на УФЦ „Фајт најт“ во Сиднеј, Австралија, ставајќи ги контроверзите околу уличната пресметка со Американецот Колби Ковингтон.
Вердум и Тибура влегоа во мечот со одлична серија. Вердум го совлада Волт Херис на 7 октомври, а Тибура имаше три победи во низа, вклучувајќи триумф над поранешниот УФЦ шампион, Андреј Арловски.
Сепак, Вердум, второрангираниот тешкаш во УФЦ, постојано беше подобар од Тибура, преземајќи ја контролата во четвртата рунда, фрлајќи го Тибур на подот и имајќи целосна контрола повеќе од една минута. 40-годишниот Вердум сега може да добие шанса за дуел со шампионот, Стипе Миочиќ од Хрватска, иако загуби во последниот дуел со него во мај 2016 година.
Победа имаше и за Австралиецот со македонско потекло, Александар Волкановски, кој го победи Шејн Јанг едногласно на поени во перо категорија.
УФЦ ФАЈТ НАЈТ СИДНЕЈ
ТЕШКА (М): Вердум-Тибура, на поени (50:45, 50:45, 49:46)
КЕЧВЕЈТ (Ж): Роуз-Клар – Раулинг, на поени (29:28, 29:28, 28:29)
ВЕЛТЕР (М): Мухамед-Минс, на поени (29:28, 28:29, 29:28)
ВЕЛТЕР (М): Метјуз-Величковиќ, на поени (29:28, 29:28, 28:29)
СРЕДНА (М): Теодору-Кели, на поени (30:28, 30:27, 30:26)
ПЕРО (М): Волкановски-Јанг, на поени (30:27, 30:26,30:26)