Top Sport

Педерсен стана најмладиот светски шампион во велосипедизам

Данецот Мадс Педерсен направи вистинска сензација на уличната трка на Светското првенство во Јоркшир, Англија, победувајќи во спринтот пред Италијанецот Матео Трентин и Швајцарецот Штефан Кинг, откако Холанѓанецот Матју ван дер Пел удри во ѕид како лидер на 13 километри пред крајот на трката.

23-годишниот Данец се покажа како најсилен од водечкото трио по шест и пол часа на велосипед во 261 километри долгата улична трка која заврши во Херогејт. Победата е уште поспектакуларно ако се знае дека Педерсен потфрли на последното искачување Оук Бек на 5 километри пред крајот, но на крајот имаше повеќе сила за победа во финишот.

Трикратниот светски шампион, Словакот Петер Саган заврши како петти откако направи тактичка грешка и чекаше предоцна за спринтот.

Лошото време во Англија ги примора организаторите да ја скратат трката, а голем број на велосипедисти не ја завршија трката, како актуелниот шампион Алехандро Валверде и шампионот од 2012, Белгиецот Филип Жилбер.

Scroll to Top