Германскиот ветеран Феликс Нојројтер триумфираше на првиот слалом од новата сезона во Светскиот куп, откако во Леви, Финска ги победи Норвежанецот Хенрик Кристоферсен и Швеѓанецот Матијас Харгин во интересна трка.
Изненадувачки лидер по првото возење во Лапонија беше Британецот Дејв Рајдинг, кој уште ја брка првата победа за себе и за Велика Британија, но тој не го заврши второто возење, препуштајќи му ја победата на Нојројтер.
За 33-годишниот Нојројтер ова е 13. слаломска победа во кариерата и доаѓа по просечната мината сезона, во која немаше победа и покрај шесте подиуми, најмногу поради доминантниот Марсел Хиршер.
Австриецот Хиршер пак, имаше храбар кам-бек на скиите иако пред само три недели го скрши скочниот зглоб, завршувајќи го првото возење на четвртото место со реални шанси за подиум, пред да направи грешка во второто и да заврши на 17. позиција.
По слаломскиот викенд во Финска, сезоната од Светскиот куп продолжува на крајот на месецот со трки во Лејк Луис, Канада и Бивер Крик, САД.
That is a start to the Alpine season! After @V_Rebensburg also Felix #Neureuther wins first race of the season. Fritz Dopfer finishes 15th on #comeback day, just ahead of Marcel #Hirscher pic.twitter.com/ydiQbainwc
— Gernot Bauer (@ESO_Gernot) November 12, 2017