Лукас Пуј разочарувањето од елиминацијата во првото коло на Австралија опен го надополни со петта титула во кариерата, совладувајќи го својот француски сонародник Ришар Гаске со 7:6(5)/6:4 во Опен Суд де Франс во Монпелје.
Гаске имаше добар старт, но не успеа да направи брејк на сервис на Пуј, за да се игра во тај-брејк, кој помладиот Французин го доби со три мини-брејка. Во вториот сет, еден брејк беше доволен Пуј да ја освои првата титула во Монпелје и да го подобри скорот против Гаске на 4-1 – нема загубено од ветеранот од првиот меѓусебен дуел во Монпелје во 2013 година.
Пуј стигнува до титулата со малку среќа, откако во полуфиналето спаси две меч-топки пред Жо-Вилфрид Цонга да се повлече при 1:6/5:5 предност поради повреда. Гаске пак, за кого ова беше шесто финале на југот на Франција, не успеа по четврти пат да го освои трофејот по 2013, 2015 и 2016 година.
A fifth ATP title for Lucas Pouille ?@la_pouille beats Gasquet 7-6(2) 6-4 to win in Montpellier.#OSDF18 pic.twitter.com/oBwwPo4eZi
— Tennis TV (@TennisTV) February 11, 2018