Организаторите на Олимписките игри во Токио ја загрижија јавноста откако на неколку дена пред почетокот на натпреварувањето изјавија дека можно е Олимпијадата сепак да не се одржи.
Причина за такво нешто е коронавирусот кој и понатаму прави сериозни проблеми на организаторите.
Во Олимпиското село до утринава беа регистрирани рекорден број луѓе позитивни на Ковид 19.
Дури 19 случаи на зараза се откриени, а од нив тројца се спортисти. Освен тројцата спортисти, десетмина се од организацијата на Игрите, а меѓу заразените има и медиумски работници.
Досега најмалку 8 спортисти мораа да се откажат од натпреварувањето иако стигнаа во Токио, а многумина се откажаа уште од порано.