Рони О’Саливен останува најголем фаворит за победа на УК шампионатот, вториот најважен снукер турнир на светот (по Светското првенство), откако со 6:1 го совлада Велшанецот Мајкл Вајт и тоа на денот на својот 42. роденден.
По елиминацијата на првите тројца носители, „Ракетата“ е апсолутен фаворит за шести трофеј од „Барбикан“ во Јорк, со што би се израмнил со легендарниот Стив Дејвис.
Lovely pot from @ronnieo147 ??? pic.twitter.com/mNkCOOyhOY
— Eurosport UK (@Eurosport_UK) December 5, 2017
„Бев малку подобар од Вајт. Не бев фантастичен, но работите одеа лесно. Мајкл ќе биде добар играч“, вели О’Саливен.
Најпопуларниот снукер-играч на денешницата во четвртото коло ќе игра или со Бери Хокинг или со Тајланѓанецот Акани Сонгсермсавада.