Селекторот на српската тениска репрезентација, Виктор Троицки (35) одлучил годинава да ја заврши тениската кариера, пишуваат дел од српските медиуми.
„Наголемо сум спортски ветеран. Полека ја завршувам кариерата, планот ми е да одиграм уште неколку турнири. Се помирив, завршувам оваа година. Се префрлам на други работи поврзани со спортот, но веќе како професионален тренер. И се радувам на новата работа, на новите предизвици“ рече Троицки.
Некогашниот 12-ти тенисер во светот и освојувач на Дејвис куп со својата селекција е свесен дека неговото време веќе поминува, па сега сака повеќе време да посвети со младите таленти во својата земја.