Тони Надал, поранешниот тренер на Рафа Надал, смета дека 13-кратниот шампион на Ролан Гарос, ќе има сериозна конкуренција оваа година на Гренд слемот во Париз.
Од почетокот на сезоната Стефанос Циципас игра во голема форма, Доминик Тим изминатите сезони два пати играше во финалето на овој турнир, но чичкото на Надал, смета дека најголем конкурент Рафа ќе му биде Новак Ѓоковиќ.
Светскиот број 1, не може да се пофали со добри резултати на земјана подлога оваа сезона, испадна во Монте Карло до Дан Еванс во третото коло, а во Белград беше поразен од Аслан Карацев во полу-финалето. Поради тоа Ѓоковиќ реши да земе одмор и нема да игра на Мастерсот во Мадрид.
„Ѓоковиќ сега малку се сомнева во своите можности. Сепак, тој е еден од оние тенисери кои можат експресно да го сменат работите, особено ако игра добро. Мислам дека тој ќе му биде голем ривал на Рафа“, рекол Тони Надал.
Ѓоковиќ е еден од двајцата тенисри кои успеале да го победата Рафа Надал на Ролан Гарос.