„Велшката машина за уништување“, Џон Филипс во четвртиот УФЦ меч стигна до својата прва победа, откако на УФЦ Копенхаген го нокаутираше дебарчанецот Ален Амедовски за само 14 секунди.

Филипс, кој е поранешен боксер, имаше три порази во претходните три настапи во октагонот, но насмеаниот Велшанец, кој во својата татковина е вистинска ѕвезда, доби нова шанса и овојпат ја искористи за со два силни удари да го заврши мечот.