Канадската тинејџерка, Бјанка Андреску, го живее својот сон. Откако вчера, на турнирот во Окленд ја победи Каролин Вознијацки, која е трета на ВТА листата, денес успеа да ја совлада и легендарната Венус Вилијамс.
Андреску, во два дена им ‘зеде мерка’ на две тениски ѕвезди, кои во минатото биле број 1 на ВТА листата. Тинејџерката од Канада стигна до полу-финалето каде ќе игра против Су Веј Хсеј од Тајван или Сара Сорибес од Шпанија.
Канаѓанката е 152. на ВТА листата, а во четврт-финалето по голема борба и два часа и 25 минути успеа да ја победи Венус Вилиајмс со 6:7, 6:1, 6:3.
Инаку, на турнирот во Окланд, веќе и позната првата полу-финална двојка. Германката Јулија Гергес ја совлада Ежени Бушар од Канада (3:6, 6:3, 7:6) и за пласман во финалето ќе игра против Викторија Кузмова. Тенисерката од Словачка во четврт-финалето ја победи Американката Аманда Асимова (6:3, 2:6, 6:4).