Французинот Александер Жение стигна до импресивна победа на 12. етапа на Вуелта Еспања во етапата во северна Шпанија, а трката доби нов лидер во домашниот фаворит Хезус Ерада.
На брзиот и технички финиш на надолнина на 181 километри долгата етапа, искусниот Жение (АГ2Р) почна со ран спринт и го задржа Холанѓанецот Дилан ван Барле (Тим Скај) на тесните улици за своја трета етапна победа на Вуелта. Украинецот Марк Падун (Бахреин-Мерида) беше трет пред Белгијците Дилан Тојнс (БМЦ) и Виктор Кампенартс (БМЦ) во финишот до светилникот Естаса де Барес во близината на Манон.
Хезус Ерада (Кофидис) пак, пристигна на 16. место со 2 и пол минути заостанување, но главната група беше далеку зад него со речиси 12 минути послабо време, и Шпанецот сега е нов лидер со 3:22 предност пред Британецот Сајмон Јејтс (Мичелтон-Скот), кој е една секунда пред Шпанецот Алехандро Валверде (Мовистар). Сепак, борбата за црвената маичка само што почнува, бидејќи од утре има три последователни етапи во планините на Астурија и Леон.
Etapa 12 – Stage 12 #LaVuelta18
?? Vive el último kilómetro de la victoria de A.Geniez gracias a @CarrefourES
?? Live the last km. of Geniez’s victory thanks to @CarrefourES#CarrefourConLaVuelta pic.twitter.com/09jjBcC392— La Vuelta (@lavuelta) September 6, 2018