Ракометните репрезентативци на Белорусија ја забележаа првата победа во новоформираната група на ЕП. Тие со 28-25 ја совладаа селекцијата на Чешка и се доближија со местото кое води во олимписки квалификации.
Првото полувреме донесе неизвесен и изедначен меч во кој поконкретни беа Белорусите, па заминаа на пауза со +2, 13-11.
Во вториот дел исто така се играше гол за гол, се до средината на полувремето кога Белорусија повторно се одлепи на 22-20, односно 24-22.
На крај мечот заврши со конечни 28-25 за Белорусија.
Крилото Ваилупау беше најефикасен во победничката селекција со 6 гола, а тројца играчи (Каралек, Јуринок и Никуленкау) постигнаа по 5 гола.
Кај Чешка прво име беше Здрахала со 7 погодоци.
Watch the Game Highlights from Belarus vs. Czech Republic, 01/18/2020 pic.twitter.com/GmmTooA2oY
— EHF EURO (@EHFEURO) January 18, 2020