Франција стигна до петтата последователна победа на Европското првенство во Хрватска, откако со 39:30 ја победија Србија за да дојдат на чекор до полуфиналето.
Предводени од браќата Карабатиќ, Французите доминираа од почетокот до крајот на мечот, и имаа предност од седум гола на полувремето (19:12), пред да им го нанесат четвртиот пораз во петте меча за Србија.
Early in the game against Serbia the French goalkeeper Vincent Gerrard put his name on the scoring list after a perfectly placed empty-netter.@FRAHandball #SERFRA ?? vs ?? pic.twitter.com/ku0EVnkJ6h
— EHF EURO (@EHFEURO) January 22, 2018
Србите имаа солиден старт на мечот и водство од два гола, но потоа се покажа силата на првите фаворити за златото, оставајќи ги противниците без гол дури 10 минути. Во второто полувреме, разликата само растеше, и сите надежи на Хрватска дека ќе добијат помош од соседите беше уништена.
Лука Карабатиќ и Рафаел Кошето постигнаа по седум гола за „триколорите“, а Кентин Мае и Никола Карабатиќ додадоа по четири гола за импресивната победа. Кај Србите, Немања Зеленовиќ беше најефикасен со седум гола, додека Петар Ненадиќ имаше шест гола.
Во вечерниот термин играат Шведска и Белорусија, во кој Швеѓаните ќе се обидат уште повеќе да им ја „замрсат“ ситуацијата на Хрватите и покрај Французите да станат фаворити за полуфиналето.