Со натпреварот помеѓу домаќинот Германија и Камерун започна 23.Светско првенство во ракомет за жени.
Германија ја оправда фаворитската улога и забележа лесна и убедлива победа 28:15 (12:7).
Германките уште во раната фаза на натпреварот ја најавија победата кога создадоа предност од седум гола (9:2). До крајот на полувремето Камерунките намалија на пет гола, а нивните надежи дека можат да приредат некаква сензација ги урнаа Германките во 38.минута кога на семафорот резултатот беше 18:8.
Лобер со пет и Фишер со четири гола ја предводеа Германија до победата.