Top Sport

По бурниот ден, Словенците се пласираа понатаму (видео)

Репрезентацијата на Словенија се пласираше во втората рунда на Евро 2018 во Хрватска, откако лесно се „справија“ со Црногорците во последното коло од првата рунда со 28:19, во кое Данска и го нанесе првиот пораз на Шпанија со 25:22.

По заканите за заминување од шампионатот, и двете одбиени жалби, Словенците, сепак, решија да се појават на теренот во „Арената“ во Загреб, за да доминираат во дуелот со Црна Гора и како третопласирани во нашата група да заминат во втората рунда (со пренесен еден поен).

Данците пак, се „созедоа“ по лошиот пораз од Чешка во претходното коло, да ја надиграат Шпанија и да им го нанесат првиот пораз на шампионатот (непоразени останаа само Македонија, Франција и Германија).

Со ова се познати сите патници во втората рунда на шампионатот, кој започнува веќе утре со мечевите Србија-Норвешка (18.15) и Хрватска-Белорусија (20.30).

Македонија стартува во недела со меч со Шпанија, по што на 23 играме со Чешка, за на 24 да се „пресметаме“ со старите должници, Данците.

ВТОРА ФАЗА

ГРУПА 1

1.Шведска 4, 2.Франција 4, 3.Хрватска 2, 4.Норвешка 2, 5.Белорусија 0, 6.Србија 0

ГРУПА 2

1.Македонија 3, 2.Шпанија 2, 3.Данска 2, 4.Германија 2, 5.Словенија 0, 6.Чешка 0

Scroll to Top