Ракометарите на ПСЖ први изборија пласман на завршниот турнир во Лигата на шампионите. ПСЖ, вечерва, во реваншот против Кјелце само го потврди пласманот во Келн. ПСЖ првиот меч во Полска го доби со 34:28, а во реваншот славеше 35:32.
Најефикасен во тимот кој од клупата го предводи Звонимир Нока Сердарушиќ, беше Недим Ремили со девет гола, додека по пет гола постигнаа Микел Хансен и Јаспер Нилсен.
Поранешниот играч на Вардар, Алекс Душебаев и полскиот репрезентативец Карол Бјелецки со по пет гола беа најефикасни кај Кјелце.
Останатите три четврт-финални реванши ќе се одиграат утре. Вардар, кој ја брани титулата, во 17 часот ќе го пречека Кил. Вардар првиот меч во Германија го доби 29:28.
Нант со Кире Лазаров ќе гостува кај Скјерн и ќе ја брани предноста од 33:27, додека Монпелје и Фленсбург реваншот ќе го започнат со 28:28.
Завршниот турнир во Лигата на шампионите ќе се игра во Келн на 26. и 27 мај.
Precision PSG goals! Two of @psghand‘s finest goals of the second-leg quarter-final so far, courtesy of @mikkelhansen24 and @Nedim_Remili #veluxehfcl pic.twitter.com/APNG5uBJKz
— EHF Champions League (@ehfcl) April 28, 2018