Ракометарите на ППД Загреб, во 10.коло, ја забележаа првата победа оваа сезона во Лигата на шампионите. Изненадувачки ППД Загреб славеше во дуелот со Рајн Некар 30:26.
Во вториот натпревар на тренерската функција, Златко Сарачевиќ кој го наследи Касим Каменица, успеа да ја врати тимот на вистинскиот колосек.
Загреб во текот на целиот меч беше подобар тим на теренот, полувремето го заврши со предност од четири гола (17:13), а прашањето на победникот го реши во 40.минута кога резултатот беше 24:16.
До првата сезонска победа во ЛШ, ППД Загреб го предводеа Хорват со осум, односно Бичаниќ со пет гола. Најефикасен кај Рајн Некар беше Сигурдсон со девет гола.