Пик Сегед успеа да стигне до 30:28 победа над силниот Нант во последниот натпревар од Лигата на шампионите овој викенд.
Не помогнаа шесте гола и одличната партија на Кирил Лазаров за Нант, кој имаше водство на полувреме и +4 на почетокот на второто полувреме, пред унгарскиот тим да се врати фуриозно во финишпт на мечот и да го заврши со „цепелин“ на поранешниот ракометар на Вардар, Хорхе Македа, негов петти гол на мечот.
Во вториот меч, Висла Плоцк се врати од негатива на полувремето за 30:28 победа на гостувањето кај Елверум.
ЛИГА НА ШАМПИОНИ, 2.КОЛО
Пик Сегед – Нант 30:28 (10:11)
Елверум – Висла Плоцк 28:30 (15:13)