Ракометарите на Металург забележаа уште еден пораз во СЕХА лигата. Петтиот пораз во седмото коло Металург го запиша во Белорисија кај Мешков Брест 35:30 (18:17).
Екиата од Автоманда во Белорусија одигра лошо во одбраната, голманите немаа свој ден, а клуч за поразот е играта со седуммина во нападот по која само во првиот дел Мешков Брест постигна пет гола.
Првата видлива предност Мешков ја направи во 16.минута (12:7), која Металург ја анулира во само пет минути (13:13). Во финишот на полувремето домаќинот создаде три гола предност (18:15), која на еден разлика ја спуштија Кузмановски и Шешевски со головите постигнати во последната минута.
Мешков во вториот дел го забрза ритамот и во првите 15 минути го реши победникот кога на семафорот стоеше 29:23. Имаше Мешков и седум гола повеќе од Металург во 56. минута (34:27), а во финишот момците од Автокоманда само во го ублажија поразот.
Кузмановски со 8 и Јагањац со 7 гола беа најефикасни играчи на натпреварот.
Металург од Белорусија ќе се упати кон Турција каде за три дена ќе игра против Бешикташ во Лигата на шампионите.