Унгарскиот гигант Веспрем го доживеа вториот пораз во третиот меч од Лигата на шампионите, откако на гостувањето кај поранешниот европски првак, Монпелје загуби со 23:18 (11:10).
Минатогодишниот финалист од ЛШ, Веспрем, минатата недела загуби дома од Кил со високи 31:37, и сега се шести во групата Б, кадешто лидер е Вардар со максимални 6 поени, пред Кил со 5 и Монпелје и Порто со 4.
Мелвин Ришардсон ги предводеше Монпелје со 8 постигнати голови, додека по три имаа Петерсон, Дуерте и Деска, додека за Веспрем, Петар Ненадиќ имаше четири голови, а нашиот Дејан Манасков не успеа да постигне гол во два обиди.
Во другите мечеви, Кадетен ги „растурија“ Чеховски медведи со 32:23 за прва победа оваа сезона во групата Д, додека Висла Плоцк со 36:29 победата над Кристијанштад се доближи на поен до лидерот во групата, Динамо Букурешт.
ЕХФ ЛИГА НА ШАМПИОНИ
Висла Плоцк – Кристијанштад 36:29 (19:13)
Кадетен – Чеховски медведи 32:23 (15:10)
Монпелје – Веспрем 23:18 (11:10)