Македонија одигра рамноправно со актуелниот европски шампион, Германија за да обезбеди 25:25 реми со големиот победник, откако во финишот на мечот имавме и шанса за голема победа, само доколку влезеше одличниот обид на вистинскиот „воин“, Стојанче Стоилов.
Македонските момци од почеток до крај беа израмнет противник на Германците, а на моменти дури и подобри од нив, но на крајот нерешениот резултат е реален и со него го имаме првото место, а покрај тоа „носиме“ и три поени во втората рунда во Вараждин, каде што не чекаат репрезентациите на Данска, Чешка и Шпанија.
Искуството на Филип Талески во Бундеслигата се покажа клучно и тој беше нашиот најдобар стрелец со 6 гола, Дејан Манасков и капитенот Кирил Лазаров имаа по 5, додека на голот конечно во вистинско издание го видовме Борко Ристовски со 12 одбрани, вклучувајќи ја и клучната во финишот на натпреварот.
Македонија имаше одличен старт, и по осум минути игра, предводени од Пешевски и Кузмановски имавме предност од 5:2, а Волф двапати му одбрани на Гоце Георгиевски за да спречи поголема предност.
Исто така тогаш ја имавме можеби најубавата акција на првенството, со фантастичен „цепелин“ на Кирил Лазаров и Гоце Георгиевски, нешто што не остана незабележано и од ЕХФ.
Kiril Lazarov and Goce Georgievski know hoy to fly in this championship. An incredible play in Zagreb, last match of group C.#GERMKD ?? ?? @DHB_Teams @rfmhandball #ehfeuro2018 #hypnoticgame pic.twitter.com/bTa645rV5H
— EHF EURO (@EHFEURO) January 17, 2018
Меѓутоа, по два удари во пречката (Лазаров и Георгиевски), Германците се враќаат во игра, повторно благодарение на Волф, кој брани пенал на Лазаров за Германците да дојдат до +3 предност (10:7).
Раул Гонзалес ја смирува играта на нашата репрезентација, а Ристовски со две одбрани не одржува во „живот“ на 12:9, а Талески и Кире до крајот на полувремето ја намалуваат германската разлика.
#GERMKD ?? vs ??
Final match for Germany and FYR Macedonia in the preliminary round. Let’s watch a game this beautiful game by Macedonian’s team Stoilov. @DHB_Teams @rfmhandball #ehfeuro2018 #hypnoticgame pic.twitter.com/d3o4ZtvucJ— EHF EURO (@EHFEURO) January 17, 2018
Во второто полувреме, Македонија покажа дека има игра да парира на противникот, а конечно се „разбуди“ и Дејан Манасков, кој со два гола носи 19:16 предност за Македонија. Германскиот состав успеа да израмни и на десетина минути пред крајот повторно да ги доведе во водство (21:20).
Great save of Ristovski as he denies Reichmann in the fastbreak!#GERMKD ?? vs ?? @DHB_Teams @rfmhandball #ehfeuro2018 #hypnoticgame pic.twitter.com/1i6stwY46q
— EHF EURO (@EHFEURO) January 17, 2018
Во играта гол-по-гол, младите македонски репрезентативци покажаа фатнастична смиреност. На две минути пред крајот, Талески, кој покрај Ристовски е дефинитивно најдобриот играч на натпреварот, израмнува на 25:25. Борко во следниот напад одбранува за фантастична предност, но Стоилов на другата страна го наоѓа само голманот Хајнфетер.