Третиот носител, Григор Димитров беше приморан да игра петти сет против светскиот рекет број 186., Мекензи Мекдоналд, пред да стигне до 4:6/6:2/6:4/0:6/8:6 победа за пласман во третото коло на Австралија опен.
Американскиот квалификант 22-годишниот Мекдоналд изненадувачки беше израмнет со Димитров во поголем дел од мечот од 3 часа и 25 минути на арената „Род Лејвер“, пред бугарскиот тенисер да направи брејк во 14-тиот гем од последниот сет за да оди понатаму.
Димитров, кој лани стигна до полуфиналето во Мелбурн, дури го загуби четвртиот сет без освоен поен, а сега го очекува дуел со 30-тиот носител, Андреј Рублев, кој ги победи Давид Ферер и Маркос Багдатис за пласман во третото коло.
„Што да кажам, беше навистина тежок ден. Имав среќа што победив, бидејќи тој играше неверојатен тенис и заслужува честитки. Не сум задоволен со начинот на кој играв, но од борбеноста сум задоволен“, изјави Димитров.
WHAT A MATCH!
Grigor Dimitrov digs deep to beat the hugely impressive Mackenzie McDonald
4-6, 6-2, 6-4, 0-6, 8-6 pic.twitter.com/MGvL67mEFL
— Eurosport UK (@Eurosport_UK) January 17, 2018