Норвежанецот Хавард Лоренцен го освои златниот медал на трката на 500 метри во брзо лизгање на Зимските олимписки игри во Пјонгчанг.
Лоренцен до златниот медал стигна со нов олимписки рекорд 34,41 секунди со што стави круна на фантастичната сезона.
Норвежанецот оставри за само една стотинка подобар резултат од второпласираниот Мин-кју Ча од Јужна Кореја, додека бронзата ја освои Кинезот Тингју Гао.