ЕХФ на својот официјален профил на Твитер во понеделникот објави дека Европското првенство во Хрватска е завршено за македонскиот капитен Кирил Лазаров.
Капитенот се повреди по нецели 11 минути игра на синоќешниот меч со Шпанија, кој Македонија катастрофално го загуби (20:31). Лазаров по еден скок шут почуствува болка во „задната ложа“ на десната нога, го напушти теренот и повеќе не се врати во игра.
Во својот „твит“ ЕХФ објави дека покрај за Лазаров ЕП е завршено е за германскиот репрезентативец Пол Друкс. ЕХФ на двацата им посакува што поскоро да се вратат на теренот.
It was not a great night for injuries in Varazdin. Both ??@LazarovKiril7 and ??@PaulDrux are out for the rest of the #ehfeuro2018. We hope to see them both back on court soon! @DHB_Teams pic.twitter.com/xU8NRpNSOS
— EHF EURO (@EHFEURO) January 22, 2018
Од друга страна од нашиот национален тим не сакаат ништо да коментираат туку ќе ги чекаат резултатите од дополнителните лекарски прегледи кои ќе покажат каква е природата на повредата на капитенот. Лазаров заминал во Загреб на дополнителни прегледи, а потврда дали тој ќе го продолжи првенството или не ќе добиеме попладнево.