Американецот Тенис Сандгрен ја продолжи својата бајка на Австралија опен, откако преку петтиот носител Доминик Тим изборил пласман во четврт-финалето.
26-годишникот од Тенеси по Жереми Шарди, Стан Вавринка и Максимилијан Мертерер успеа по четири часа во пет сета (6:2, 4:6, 7:6, 6:7, 6:3) го победи Тим.
Сандгрен е вториот тенисер во последните 20 години кој како дебитант усшеа да стигне меѓу најдобрите осум во Мелбурн. Американецот досега во кариерата никогаш не успеал да го мине првото коло на некој од Гренд слем турнирите.
За конечната победа пресудија неизнудените грешки Сандгрен направи 36, а Тим 12 повеќе. Инаку и двајцата имаа по 60 винери и по 20 ас сервиси.
За пласман во полу-финаето Сангрен ќе игра против победникот од дуелот помеѓу Ѓоковиќ и Чунг.