Саутемптон и Манчестер Јунајтед ремизираа 1-1 во првиот меч од четвртото коло во Премиер лигата на Англија. Ова е втор нерешен резултат за Јунајтед во новата сезона, а со исклучок на победата во првата рунда над Челси, играчите на менаџерот Солскјер останаа без победа во наредните три кола.
Првиот дел на „Сент Мери“ стадионот го обележа брилијантниот гол на Даниел Џејмс во 10 минута. 21 годишниот Велшанец го постигна третиот гол во сезоната и тој е најдобриот стрелец на Манчестер Јунајтед.
Саутемптон израмнија во 58 минута кога Вестергард скокна повисоко од Линделоф и успеа да го совлада Де Хеа. Асистент за голот беше 20 годишниот Кевин Данс, кој влезе во игра во вториот дел, а поради два жолти картони беше исклучен во 73 минута.
Со играч повеќе Јунајтед имаа неколку обиди од далечина, а најдобрата можност за постигнување на гол ја имаше Гринвуд чии удар од 20 метри го одбрани Гун.