Маурицио Сари побарал од челниците на Јувентус во јануарскиот преоден рок да му го донесат во тимот Нголо Канте. Францускиот репрезентативец е еден од најдобрите играчи за врска во светот и член на сензационалната шампионска делегација на Лестер. Во Челси е од јули 2016 година.
„Дејли Мејл“ тврди дека Јувентус биле заинтересирани за Канте и дека во јануари ќе се обидат да го донесат со понудата од 70 милиони фунти.
Сари минатата сезона работеше со Канте и тогаш дури и му ја смени позицијата, односно Французинот делуваше поблиску до голот на противникот.
Тренерот на Јувентус сметал дека Канте одлично би се вклопил во редот за врска заедно со Миралем Пјаниќ и Арон Рамзи.