Португалецот Кристијано Роналдо во интервју за „SPORTbible“, говорел за кариерата, животот и бизнисот. Потенцира дека успехот му е на првото место.
„Не сум луд човек. Не сум опседнат со тренинзите, туку сум опседнат со успехот. Тоа се две различни работи“, рекол на почетокот на разговорот Португалецот и потоа дополнил.
„ И понатаму го сакам фудбалот. Секогаш сакам да ги забавувам луѓето кои ме сакаат и кои секогаш од мене очекуваат нешто нови и нешто повеќе. Тоа нема врска со годините, туку има врска со менталитетот. Во последните пет години започнав да се занимавам со работи што не се тесно поврзани со фудбалот и можам да ви кажам дека уживам во тоа“.
Роналдо има ланец на ресторани и хотели, свој моден бренд и посебно дизајнирани слушалки. Тука не мисли да застане. Заработува многу пари надвор од фудбалот, поради што го критикуваат дека ги копирал Дејвд Бекам, Мајкл Џордан и уште некои спортисти кои развиле профитаблини бизниси.
„Не сакам никого да копирам, можам само да научам од успешните спортисти и тоа да го направам на свој начин. Сите успешни луѓе имаат нешто заедничко, поседуваат работна етика“, рекол напаѓачот на Јувентус.