Милански Интер се бори со Јувентус да ја освои титулата во Серија А. Моментно „нероазуриете“ се први со 39 бода, колку што има и второпласираниот Јуве.
„Сега сме на врвот во Серија А. Тоа многу ни значи, тоа значи дека сме на вистинскиот пат. Сите наши напори ќе бидат наградени, чекор по чекор. Сепак, тоа не значи ништо, мора да останеме скромни, мораме да извлечеме поуки од минатото“ – изјави претседателот на Интер, Стивен Џанг на клупска свеченост, пренесоа италијанските медиуми.
Џанг, кој во петок ќе наполни 28 години, рече и дека без храброст и напорна работа клубот не може да се натпреварува на највисоко ниво.
„Минатата недела разговарав со играчите и им кажав дека ќе имаме потешкотии, но дека ќе треба да ги надминеме. Тоа се однесува на наредните 100 години на овој клуб, секогаш ќе има пречки, но мора заедно да се соочиме со нив. Од ништо не се плашиме, потребна е храброст и само на тој начин ќе сме најдобри. Заедно, сите ние, ова големо семејство, ќе го освоиме светот. Напред Интер“ – додаде Џанг.
