Рафаел Надал го освои „Мубадала светскипт шампионат во тенис“. Шпанецот во финалето по голема борба го победи Стефанос Циципас.
„Бикот од Мајорка“ за нешто повеќе од три часа игра успеа да го скрши грчкиот тенисер со 6/7, 7/5, 7/6.
Циципас го доби првиот сет во тај брејк, откако успеа да му го одземе сервисот на противникот кога тој сервираше за добивање на сетот. Потоа Гркот го реши тај-брејкот со 7:5.
Во вториот сет решавачки беше брејкот што го направи Надал во 11 гем.
Голема драма се случуваше во решавачкиот сет. Истиот беше решен по 70 минути игра во тај-брејкот.
Шпанецот за победата на егзибицијата во Абу Даби освои 250.000 долари.