Манчестер сити во дербито на 18 коло го совладаа Лестер со 3:1 (2:1). Сити славеа со пресврт откако „лисиците“ го отворија резултатот. По ова коло Лестер останаа на второто место на табелата со 39 бода, Сити со бод помалку се зад нив.
Сити доминираа од самиот почеток на мечот, а откако добри шанси не реализираа Де Брујне и Марез, Лестер го шокираа „Итихад“ со голот на Варди.
Предноста на Лестер траеше осум минути кога по ударот на Марез топката го закачи Сојунџу и заврши зад грбот на Шмајхел.
До крајот на првиот дел Стерлинг избори пенал, а Гундоган им обезбеди предност на Сити по 45 минути игра.
Конечниот резултат го постави Габриел Жесус во 69 минута.