Меѓународниот институт за спортски студии (ЦИЕС) состави листа на најскапите фудбалери во овој момент. Според нивните пресметки и анализи 166 фудбалери кои играат во петте најсилни национални првенства во Европа се поскапи од 50 милиони евра.
ЦИЕС на листата има 20 фудбалери кои во овој момент вредат 100 или повеќе милиони евра, 11 од нив играат во Премиер лигата. Само двајца во светот, според ЦИЕС вредат повеќе од 200 милиони евра.
Младата ѕвезда на ПСЖ, Килијан Мбапе е проценет на 265,2 милиони евра, а зад него е Рахим Стерлинг од Манчестер сити (223,7 милиони евра).
Најскапиот играч во светот, Нејмар, за чии услуги ПСЖ на Барселона и платија 222 милиони евра, на листата на ЦИЕС се наоѓа на 19 место. Неговата вредност изнесува 100,4 милиони евра.
Интересно е што Лионел Меси, кој неодамна ја освои рекордната шеста „Златна топка“ е само осми на листата. Тој „вреди“ 125,5 милиони евра.
Инаку покрај Мбапе и Стерлинг, во првите десет се Мохамед Салах, Џејдон Санчо, Садио Мане, Хари Кејн, Маркус Рашфорд, Лионел Меси, Антоан Гризман и Лаутаро Мартинез.
Комплетната листа може да ја погледнете тука.