Ајзеа Томас конечно дебитираше за Кливленд Кавалирс, каде од Бостон пристигна летово во замена за Кајри Ирвинг.
Томас не играше седум месеци поради повреда, а во дебито за Квалирс постигна 17 поени со 50-отстотна реализација за 19 минути колку што мина на теренот.
Кливленд славеше над Портланд 127:110, а до триумфот тимот го предводеше Леброн Џејмс со 24 поени, осум скока и пет асистенции.
Кај Портланд се истакнаа Демијен Лилард со 25 поени и шест асистенции, односно Јусуф Нуркиќ со 23 поени и седум скока.
Са Антонио славеше во Њујорк против Никс 100:91. Тренерот на Сан Антонио Грег Поповиќ ја забележа 1.176 победа во кариерата и на вечната листат на петтото место се изедначи со Џорџ Карл. На врвот на листата е Дон нелсон со 1.335 победи.
Ламаркус Олдриџ постигна 29, а Кавај Ленард 25 поени, на кои придодаде осум скока и по четири асистенции и украдени топки.
Феникс забележа победа во дуелот со Атланта 104:103. Решавачката тројка на мечот ја постига тревор Букер на 12,3 секунди до крајот на натпреварот, а пота Маркиз Киз успеа да го блокира шутот на Тауреан Принс.
Букер мечот го заврши со 34 поени, а три помалку постигна Ти-Џеј Ворен. Турчинот Ерсна Иљасова со 21 поен беше најпрецизен кај Атланта.
Шарлот предводен од Николас Батум (21 поен) и Двајт Хауард (20 поени) убедливо славеше во Сакраменто со 131:111. Зек Рендолф беше најдобар кај домаќинот со 24 поени, додека Богдан Богдановиќ постигна 11 поени.
ЛА Клиперс го победија Мемфис 113:105 и ја забележаа четвртата победа во низа. Лу Вилијамс постигна 33 поени, Блејк Грифин 21, а Милош Теодосиќ мечот го завршши со 13 поени, пет скока, шест асистенции и пет загубени топки.