Ферари ја прекина работата во своите фабрики во Маранело и Модена, во сегментот на Формула 1, но и во сегментот на улични автомобили поради корона вирусот. Ситуацијата ќе остане ваква најмалку две недели, а е направена за „доброто на вработените“.
„Поради нашата почит кон вработените, за нивен личен мир и за нивните семејства, решивме дека е најдобро да прекинеме“, вели претседателот на Ферари, Луис Камилери.
Другите Формула 1 тимови засега продолжуваат со работа и покрај несигурноста околу стартот на Ф1 сезоната. Двете фабрики на Мерцедес во Велика Британија ќе продолжат со работа, иако тимот кој се врати од Мелбурн ќе оди во самоизолација 14 дена.
По откажувањата на Австралиското ГП, Бахреин ГП, Виетнамското ГП и Кинеското ГП, ФИА објави дека се надева дека сезоната ќе може да почне во Европа на 1 мај со Холандското ГП.
It’s hard knowing that we’re not racing for you all today, #Tifosi ?
This is a tough time for everyone around the world ❤️Stay strong, stay safe. #essereFerrari ? pic.twitter.com/t9gBdhKnqD
— Scuderia Ferrari (@ScuderiaFerrari) March 15, 2020