Голманот на Манчестер Јунајтед Давид Де Хеа нема намера да го напушти „Олд Трафорд“ иако неколку години бројни клубови не го кријат интерест за неговите услуги.
Де Хеа во 2011 година од Атлетико Мадрид се пресели на „Олд Трафорд“, неговиот договор со „црвените ѓаволи“ му истекува на 30 јуни 2023 година.
„Да, стареам, но да се биде дел од овој клуб е неверојатно чувство. Замислете 10 години минаа како во сон. Супер е да се одиграат толку натпревари за Јунајтед се надевам дека ќе останам овде уште многу, многу години“, рекол Де Хеа.
Де Хеа (29) со Јунајтед освоил по една титула во Премиерлигата (2013), Лига Европа (2017), ФА купот (2016), Лига купот (2017), додека три пати го освоил Суперкупот на Англија (2011, 2013, 2016).