НБА лигата потврди во саботата дека почнале преговори со „Дизни“ за рестартирање на сезоната ова лето во „Дизниленд“ во Орландо, Флорида.
Портпаролот на лигата, Мајк Бас потврди дека НБА и асоцијацијата на кошаркари (НБПА) преговараат со компанијатан а Волт Дизни за рестартирање на сезоната на крајот на јули во „ЕСПН Вајд ворлд оф спортс“ комплексот на Флорида. Би се работело за една локација за мечеви, тренинзи и престој на кошаркарите.
„Нашиот приоритет останува здравјето и безбедноста на сите кои се вклучени и работиме со експертите за јавно здравје и владините претставници на мерки кои ќе мораат да бидат преземени“, вели Бас.
Според американските медиуми има неколку опции за рестартирање. Првата е да се продолжи регуларната сезона и да се одиграат од 72 до 76 натпревари пред плејофот, втората е да се рестартира директно со плејоф од 16 тима, а третата да има „плејоф-плус“, односно да бидат додадени тимови во плејофот и првата рунда да се замени со групна фаза.